Indie’s best


Duwang critically acclaimed indie film an nadalan ko kan nag-aging weekend.

An enot sa SM Cinema paluwas na an debut feature film kan 29-anyos na si Neill Blomkamp na may titulong District 9 na base sa saiyang Alive in Joburg short-film.  Magayon an pagka-kagibo, an documentary-style, cinéma vérité technique ni Blomkamp na may agid pero mas marhay duman sa “shaky camera” style ni Matt Reeves kan Cloverfield (2008).  An mga aliens sa pelikula (an apod sainda prawns) may racial undertone sa apartheid kan South Africa. An mga weapon kan aliens ma-a-apresyar mong marhay kun ika PC gamer arog kan Half Life o Halo ta garo hale digdi su disenyo.  An konsepto kan mechanized battle suit garo hale man sa animé ta pareho kaidtong battle suit ni Deunan sa pelikulang Appleseed ni Shinji Aramaki.  Magka-ka-igwa ini nin cult followings asin para sako ini dapat an sleeper hit kan 2009 bako an idtong banol-banol na The Hang-over.  Rekomendado ko an pelikula sa box-office tiket na 90-pesos ta dae kamo lugi pero garo R18 ini ta violente asin gruesome an ibang scenes.  Open ended an ultimong scene para sa posibilidad nin sequel.

An ika-duwang nadalan ko hale sa friendly neighborhood kong mga pirata – an pelikulang The Hurt Locker ni Kathryn Bigelow.  Nabisto siya sa pagiging dating misis ni James Cameron asin sa saiyang cult classic na Point Break (1991).  Sa production budget na $11M marhay an pagka-ka-gibo kumpara sa mga big budget war films.  Marahayon an action asin drama kan tolong lead characters kan EOD unit kan US Army sa setting na 2004 Iraq.  Highly intense an role ni Jeremy Renner, digdi siya si Sgt. FC William James na sarong oragon na bomb tech na dae uyon an duwang niyang ka-miembro sa saiyang gung ho style.  Baad dae na ini maka-abot sa ‘Pinas ta sa US ngani garo limited release lang ini.

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: