Archive

Monthly Archives: August 2009

up

Advertisements

Should the government fund election campaigns?  IYO, ini an simbag ni Bro. Mike Velarde kan El Shaddai Movement sa hapot saiya ni Ka Tonying kan ABS-CBN UKG ngonian na aga, Agosto 20, 2009.  Tanganing fair daa sa gabos na kandidato asin mayo na nin rason mangurakot pag an politico na-elihir na kan tawo.

Sa hiling ko marhay na usipon ini, an estado an magastos para sa kwalipikadong kandidato, an budget siguro dapat pag-adalan. Dapat an kandidato bako sanang kwalipikado, dapat may kosog, kaibahan an nominasyon kan saiyang partido.  Dakul ining laböt ta kita bagang mga Pinoy abang hilig sa mga palusot asin abang o-orag kan satuyang mga politico.  Dakulang debate ini lalo na ngonian may election fever na kita;  pero mayong akong ka-duda-duda na ibabasura man sana ini.

Personalmente, IYO man an simbag ko. Tano?

  1. Parehas an ralaban.  Rich or poor the playing field is even, bako pareho kan presenteng scenario ta na an mayayaman an nang-ga-gana.  Pag arog kaini an sitwayson (odds are even) perhaps the best candidate would come out a winner.
  2. Limitadong campaign fund + contributions.  Dae na mahagad an mga kandidato nin pabor sa mga dakulang financiers ta limitado sana campaign budget. Pagkatapos kan eleksyon i-audit kun may sobra ibalik.
  3. Mayo na nin underdogs.  Tapos na an popularity contest,  ngonian digdi sato kung siisay an ma-kwarta iyo na pirmi an mahihiling mo sa TV, madadangod sa radio, asin nababasa sa diyaryo.  Pag-arog kaini an an ralaban baad magpa-ka-totoo an mga politico ta.

An disadvantage lang kaini ta dakul na kwarta an kaepuhan kan gobierno.  Aram ta man na mayo kaini an Pilipinas, pero magayon na eksperimento ini.  May sarong websayt ako na-agihan an www.helium.com na may siring na hapot “Should the US government help fund election campaigns?“.  Dae ko na binasa su mga opinions pero sa total na 410 votes 70% an HABO.

FIBA2009ASIA
Sa kartadang 3W-2L nakalaog na kita sa quarterfinals kan FIBA Asia, pero kun hihilingon mo an standings dae kita ma-qualify patukad sa 2010 World Championship sa Turkey.  Dae (daa) dapat kita mawáran ni paglaom kun si Yeng Guiao garo an hahapoton mo.  Sa 24 teams (automatic an Turkey asin USA) an Asya may 3 qualifier, an hiling ko China, Iran, asin i-iwalan ini kan Korea – Jordan (na an pambato mga US-born players) an third spot.  An pag-asa ta?  Igwa nin wildcard games sa Disyembre digdi garo ma-asa si Coach Yeng, pero an performance kan Team Pilipinas dakul pang praktis an kaepuhan para maabot an gusto tang lebel o kaepuhan ta nin coach hali sa ibang nasyon; garo kan dekada 80 kan satong kinua si Ron Jacobs asin darahon niya an Northern Consolidated Cement  National Team (na pagsa-sadiri Danding Cojuangco) sa 1985 World Cup for Champions asin mag-qualify para sa 1986 World Basketball Champiosnhip sa España.  Marhay ka-importante an de-calibreng coach parehas kan ginibo kan Iran (Veselin Matic), China (Del Harris) asin Jordan (Mario Palma).  An pag-ka-isi ko kinua kan Samahang Basketbol ng Pilipinas si Rajko Toroman para magin coach ta (2008-2012).  Si Rajko palan an dating coach kan Iranian National Basketball Team (2007-2008).