Nostalgia


america

Sa Agosto 1, 7PM may concert an bandang America sa UNC Gymnasium, kun ika baby boomers imposibleng dae mo bistado an grupong ini.  Ako na yaon sa Generation X  kabisado ko an saindang mga kanta, tanda ko pa igwa kaming vinyl LP  kan saindang Greatest Hits asin 45 rpm record kan Horse With No Name.  An bakalan mi kaidto si tindahan kan intsik [ngonian McDo na] kataid ni BC Bal asin Hindustan sa luma pang edificio kan mga Bichara.  An Hi-Quality nagtitienda man kan panahon.  An ponograpo (turn-table) mi lokal sana dae ko na ngani maguiromdoman si tatak, binakal ito ni Mama, hulugan pa.  Kun ika naka Sansui o Kenwood kaidto sosyal an saimong sound tripping.

Ini an mga dekada kun ika man nakaistar sa Calle Bayawas na lugar nin boarding houses dakul an  gitarista sa gilid nin tinampo kun banggi may kahampang na gin o nagpapahingalo pagtapos nin eskwela.  Folk songs an uso kan panahon mi, may nagakakapirang folk houses digdi, kung tanda nindo si Cris Clemeno saro siya sa bantog na folk singers kaidto.  An vinyl records pinapa-togtog mi …  ngonian ginagamit na sana ini for scratching, slip-cueing, o beat matching kan mga DJs asin rapper.  Tolo an orihinal na miembro kan banda na sinda Gerry Beckley asin Dewey Bunnell, si Dan Peek kaya huminali sa grupo kan late 70s.

First time ini [kun dae ako nasasalá] sa ciudad kun sain sarong foreign band an matogtog, igwa pang tikets available sa presyong PhP 500 – P 800.  Kun intresado kamo hanapon nindo sa Mdm. Gigi Boncodin-Abonal kan City Treasury Office o mag-apod sa telepono (54) 473-2050.  An concert pinapadrinuhan kan Lolo’s Bar, Ovation Productions, asin kan Ciudad nin Naga.  Igwa pa nin 15 diaz para makatipon, kaya idtong may edad 35 pataas magbakal na kamo nin tiket ta sigurado akong ma-enjoy kamo kan “good old days”.

You Tube video circa 74 kan banda Tin Man, Horse With No Name, I Need You, asin Ventura Highway.

Advertisements
3 comments
  1. auggie said:

    Maray man ta may mga foreign acts ng nag-da-diyan sa Naga. Si Ramon Jacinto dai pa naka perform diyan ? Si Chikoy Pura na Bikolano ? dai pa man ?

    BTW, saen pwedeng mag pa irahay kan turn table sagkod hi-fi diyan ? Dapat mairahay ining turntable ko ta dakul pa akong LPs, mga Rolling Stones, early Santana, Quincy Jones, Gato Barbieri, Crusaders etc. su mga mini compo, saen man pwde magpa-repair ?

    • Si Ramon Jacinto naka-perform if I am not mistaken sa Villa Caceres. Chikoy Pura garo dai pa.

      Masakit maghanap nin credible repairman sa mga arog kaini pero dakul man po electronics repair shop digdi. An quality lang kaya kan trabaho an dai ako makasiguro, lalo na may sentimental value asin hard to find an saimong audio equipments.

  2. auggie said:

    Chickoy Pura and the Jerks, including another uragon Bicolano, Jun Lopito, should perform in Naga City. It’s about time, na ma-witness kan mga kasimanwa ninda an musical prowess kaining duwang master musicians. I hope i can see them there pag -yaon na ako……

    Baratuhin man sana an audio equipment ko. Can’t afford those expensive ones, but still serviceable kun mare-repair kuta….

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: