Resolusyon


Poon ngonian na aldaw bikol na an isusurat ako ta garo nauubos na si sakong sinako asin inalkansiyang ingles.  Ta kung maluya mag-ingles baad lamang sa sakuyang mother tongue mapalawig pa ining blog.  Ara [inggitero gayud] ako sa mga matitibay na parasurat ngonian,  sinda an inspirasyon ko maski ngani jovenes an mga ini.  An may mga potential aki pa sana nahihiling na, an iba kaya kan yaon pa sa eskwelahan talagang nakahiligan na kan mga ini an magparabasa apwera sa saindang innate na talento bago naging marahayon na parasurat.

Ako man kaya kan nag-aadal an kinahiligan kung lugar si mga sinehan ni Bichara asin arkilahan nin tagalog komiks sa irarom kan saodan kaidto. Bako man akong polpol sa klase, may kasalak na nin diit na swerte kaya nakaparasar  – sabi ko ngani kaidto – bagsak kung bagsak.  Sa panahon na ini makakasabi  ko an pagbasol talagang nasa huri… pero dae dapat mawaran nin paglaom ta habang naghahangos daa kita an attitude dapat pareho kan sarong  jeepney driver – polpog sana sagkod may pasahero.

Sa pagsurat an sakuyang pinaka enot na idolo iyo an sakong Lolo Sofronio [Baldoza] … may duwang bagay akong natatandaan sa depunto kong Lolo, enot an pagiging maisog kaini sagcod an marhay niyang pagsurat.  Mestizo si Lolo halangkaw an dungo garo insulares kan panahon an postura, sayang dae ko man lang namana an abilidad kaini.  An sakuyang great grandfather segun sa estorya ni Mama sarong constabulario kan panahon nin Amerikano.  Habuon ko kaidtong magbakasyon o iwalat man lang ta pirmi siyang may armas na sigid [balá].  Saro siyang war veteran kan tiempong Hapon asin nagin kolumnista man kan sarong famosong local tabloid.  Grade 7 sana daa ang inabot niya pero marhay siyang parasurat.  An sakuyang ina dae man nakatapos nin elementarya, kaya ini an saiyang sermon pirmi samuya; kami mag-aradal nin toltol.  An sakuya man na ama naka-abot nin kolehiyo pero kinaipuhan nang mag-uli digdi sa Bicol ta mag-kayod kan panahon, dae na niya ini napadagos kan mamoot siya ki Mama na naglalaba likod kan saiyang boarding house sa Triangulo kan dekada 60 kan siya empleyado kan PNR.  Marhay na serbidor si Papa, sarong  retirado kan ferocaril during their glory days.

stats

Garo lampas na ako sa quota, napalawig na ining  blog ko, may nagkakapirang taon naman ini asin base sa statistics kan WordPress may nagbibista asin nagkakapirang nagbabasa man.  Salamat saindo!  Believe it or not an traffic kaining blog is in the Top 6-million[6,094,137 to be exact], kun dae ako nasasala few months back nasa ika 19 milyon spot ako taken into consideration igwang over 200 million sites sa cyberspace or the trillion sites na indexed kan Google.  I guess, not bad.  Salamat ki Master Jessie ta siya an enot na nag-introduce kaini samo kan kaibahan mi pa siya.  An blog magayon na outlet kun ika depressed, kun ika may opinion pero mayong boses, o kun gusto mong makabalos asin manlatik sa mga pasali kan nagkakapirang politico sabayan mo na nin batikos kan lapang sistema.

Kaya poon  ngonian mabikol na sana [daw] ako.

Advertisements
2 comments
  1. Albert said:

    more power to your blog Ansel. Sa blog mo na ini ako nagka ideya na mag poon din kan sakuyang blog 🙂

    • thanks albert! good luck sa saimong mga adventures… maski saen saen ka sana nakaka-abot… magagayon na eksperyensya. kung inako ko palan si offer kan John Holland to work at their Malampaya project nagkahilingan garo kita

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: