An orolay sa re-districting hale sa blog ni Nagueño pechadong Hulyo 4, 2007 sa hiling ko iyo an toltol na baranga-an kay Camarines Sur. Ginibo niyang 6 an distrito base sa 2000 census sagkod magkataraid talaga an mga municipio. Uyon ako digdi asin iyo man ini su sinabi ni Senador Aquino na kwalipikado kita na magka-igwa na nin anom na distrito. An RA 9716 risa man kayang marhay na may pina-pabor-ran asin nagwawalat pati nin langsa sa dila lalo na ang nag-mani-obra iyo an mga taga-administrasyon na ang mga agit-agitan iyo man sana an mga bikolano tang politiko. An linuwasan may pinipili sana sinda ta binalewala an enterong provincia. Sa paslong istrokis ini. Dapat gayud an mga lider kan kada banwaan mag-orolay kan tamang re-apportioning bako an nagka-ka-pira sana. An masakit kaya digdi sato an ibang lokal na lider ta diit sana an nagko-kontra sa lakdang na ini ta garo puros man sana amen sa inaapod nindang Kagurangnan.
An Bikolanong si Chiz luminukso na paluwas sa NPC asin may huring-huding na baad ka-tandem ni Gibo. Wow! Pag-arog kaini nagka-ralapa si mga orihinal na miembro kan PALAKA ta an standard bearer ninda hale pareho sa NPC asin mga bagito pa sa circulo asin nagluluwas na si Danding an common denominator kan duwang partido. Kaya palan disido si BF na mag-solo na sana. Pero an intresado ako kun saen malukso an paborito tang politiko digdi sa segundo distrito. Pirang aldaw na sana maruluwas na an tunay na parong kan 2010 eleksyon.
